Tinatawag ni Jesus ang lahat ng napapagod, nabibigatan, at nauuhaw upang lumapit sa Kanya. Pero alam mo bang tinatawag din ni Jesus ang mga taong tila walang direction at purpose sa buhay? Alamin natin iyan sa last part ng ating series na “Halika Na!”

Sinabi ni Jesus sa kanila, “Sumunod kayo sa akin at gagawin ko kayong mga mangingisda ng mga tao.” Noon di’y iniwan nila ang kanilang mga lambat at sumunod kay Jesus.

Mateo 4:19–20

Life goals. Ito ’yung mga pangarap at ambisyon natin — mga bagay na gusto nating maabot sa buhay. Magkakaiba ang life goals natin, depende sa ating values, interests, and situations. Ang iba sa atin ang life goal ay magkaroon ng PhD, o di kaya ay magtayo ng business, ma-maintain ang healthy lifestyle, maging financially secure by a certain age, o makapag-travel buwan-buwan. Life goals reflect our need for a sense of purpose and self-actualization. Ikaw, anong life goals mo?

May mga magkakaibigan na mukhang OK naman. Bukod sa pagiging magkakabarkada, business partners din sila. Very skilled sila sa kanilang fishing business at dahil batak sa trabaho, malakas ang kanilang katawan. Ano pa ba ang maaaring maging life goals nina Peter, Andrew, James, at John?

Jesus knew that a life goal centered on making an eternal impact for others is the thing that these men were missing. Kaya pagkaraan ng magdamag na walang nahuling isda sina Peter, tinawag Niya sila, “Sumunod kayo sa akin at gagawin ko kayong mga mangingisda ng mga tao.” They might not have fully understood then what becoming “fishers of men” meant, pero iniwan pa rin nina Peter, Andrew, James, at John ang kanilang mga lambat at bangka at sumunod kay Jesus (see Matthew 4:18–22; Mark 1:16–20; Luke 5:1–11). And the rest is history. Sina Peter, Andrew, James, at John ang apat sa 12 disciples ni Jesus. Sila ang unang mga tagasunod ni Jesus na nagpalaganap ng Good News sa mga kababayan nila, and now thousands of years later, we are reading their stories in the Gospels. Jesus used them to draw people to Him so that we could be eternally saved.

Kapag tinawag tayo ni Jesus, tiyak na mapapabuti ang buhay natin. Kaya, we hope that you, too, will share the Good News of salvation to others. Let your friends know about Tanglaw and together let’s be fishers of men!