Isang pusong tapat sa aki’y likhain, bigyan mo, O Diyos, ng bagong damdamin.

Awit 51:10

Reboot. Usong-uso iyan sa movie industry kung saan ay maaaring i-resurrect ang isang box office hit or critically-acclaimed film at bigyan ito ng fresh perspective for cultural relevance. Or maybe, to correct some mistakes in the storyline of the original production.

Nariyan din ang career reboot. Maybe you have retired pero na-convert mo ang iyong side hustle to a full-time business. Puwede rin naman na ang iyong present job is no longer the perfect match for you; thus, the need to reboot.

How about a relationship reboot? Siguro naman ay we all need to do a checkup tulad ng nangyari sa isang pamilya. Araw-araw ay sigawan ang nangyayari sa kanila dahil hindi nila alam kung paano mag-usap nang mahinahon at maging bukas ang loob at isipan sa pag-unawa. They became distant from one another. Walang kapayapaan. At nawala na rin ang pag-asa for unity.

But over time, ang sigawan ay nauwi sa maayos na usapan. Ang mga masasakit na salita ay naging pagkakataong magdasal. Natuto silang makinig at hindi sumabat. Binigyang-daan nila ang pag-intindi sa bawat isa at pinili nilang magpakita ng kabutihan. They decided to let the love of Christ rule over them. Na-reboot ang pamilyang ito, and new life was breathed into them. Nagbago silang lahat!

The Apostle Paul gave a reminder that anyone in Christ is a new creation (2 Corinthians 5:17); in short, na-reboot na. And we have to intentionally live a Spirit-filled life, living peaceably with everyone.

Pero ang challenge of self-reflection ay hindi lamang para sa mga alagad ni Jesus, kundi para sa lahat. Itanong mo sa iyong sarili, “What is my role sa gulong ito? Ano ang puwede kong baguhin sa aking sarili?” Pagkatapos, hingin ang kapatawaran ng Panginoon at sabihin ito: “Isang pusong tapat sa aki’y likhain, bigyan mo, O Diyos, ng bagong damdamin” (Awit 51:10). Sana ay ma-reboot ka rin.