Ngunit ang pag-ibig ni Yahweh ay tunay na walang hanggan, sa sinuman sa kanya’y may takot at pagmamahal; ang matuwid niyang gawa ay wala ring katapusan.

Awit 103:17

Anong klaseng love life ang gusto mo? Gusto mo ba ng dramatic love life, ‘yung full of excitement, o ‘yung simple at low-key lang? Kapag love ang pinag-uusapan ― iyan man ay romantic kind of love, brotherly love, or love between man and God ― you‘ll probably agree that we want a steadfast kind of love.

God‘s love for us is described many times in the Bible as steadfast. Sa Tagalog, ang “steadfast love” ng Diyos ay tapat, hindi nagmamaliw, walang tigil, at wagas. God‘s steadfast love never ceases, walang katapusan kaya maaasahan natin ito araw-araw (Lamentations 3:22–23).

Sa Awit 103, nakalahad ang ilan sa mga paraan kung paano pinapatunayan sa atin ng Panginoon ang steadfast love Niya. Una, pinapatawad Niya ang ating mga kasalanan at inililigtas tayo sa espirituwal na kamatayan (vv. 3–4). Dahil sa pag-ibig Niya sa atin, pinadala Niya ang Anak Niyang si Jesus sa mundong ito para tubusin tayo sa kasalanan at bigyan tayo ng buhay na walang hanggan (Juan 3:16). At habang nabubuhay tayo sa mundong ito, binubusog Niya tayo ng mabubuting bagay (v. 5). Mahabagin din ang Diyos kaya hindi kasing-bigat ng ating pagkakasala ang pinapahintulutan Niyang maging consequence nito sa buhay natin (vv. 8, 10).

Maraming nagsasabi na in this day and age, mahirap nang makahanap ng true love. Maraming nagsasabi na “walang forever.” Pero ang Diyos mismo ang nag-aalok sa atin ng steadfast love ― pag-ibig na pangmatagalan, tapat, hindi nagmamaliw, walang tigil, at wagas. Kung ito ang pag-ibig na hinahanap mo, tanggapin mo si Jesus at mararanasan mo ito.