5
FEBRUARY 2025
Ang Pilyang Magpinsan
Memorized na siguro ng maraming Christians ang John 3:16: For God so loved the world that He gave His only Son that whoever believes in Him shall not perish but shall have eternal life. Today, bigyang tuon naman natin ang kasunod na verse,
John 3:17.
Isinugo ng Diyos ang kanyang Anak, hindi upang hatulang maparusahan ang mga tao, kundi upang iligtas ang mga ito sa pamamagitan niya. Juan 3:17
Sa dami ng puwede nilang paglaruan, napagdiskitahan ng pilyang magpinsan na pakialaman ang mamahaling wine decanter ng kanilang tito. Wine decanter — aba sa tunog pa lang ay sosyalin na! In simple terms, lalagyan ito ng alak. “Paano ba ito gamitin?” tanong ng isa. “Baka kailangan natin itong ikutin,” sagot naman ng pangalawa. Habang abala sa kanilang pag-eeksperimento ay bigla nilang narinig na padating na ang kanilang istriktong tito. Hala! Sa kanilang pagmamadali, nabasag tuloy ang mamahaling lalagyan. Takot na nagtago ang dalawa, praying na hindi mapansin ng istriktong tiyuhin ang kanilang nagawa.
Nakaka-relate ba tayo? Itinatago natin ang ating mga kasalanan and even have the guts to pray na sana‘y hindi makita ng Panginoon ang ating ginawa? Natatawa na lang siguro si God kasi He sees everything naman. Pero alam ninyo, ang ating Diyos ay merciful. When we come to Him and confess our sins, inaayos Niya tayo. In fact, He took the punishment for all our sins. Sabi nga sa Juan 3:17, “Isinugo ng Diyos ang kanyang Anak, hindi upang hatulang maparusahan ang mga tao, kundi upang iligtas ang mga ito sa pamamagitan niya.”
He is not a strict tito who punishes us for our disobedience. The bad things that result from our disobedience is a matter of consequence, hindi dahil pinarurusahan Niya tayo. Halimbawa, kung hindi tayo sumunod sa utos Niyang alagaan ang ating katawan, ay malamang na magkasakit tayo. Meanwhile, ang pagsunod sa mga kagustuhan ng Diyos is always for our own good. And when there comes a time na maging pilyo o pilya tayo — and it will happen dahil tao lang naman tayo — the best thing to do is come before Him, say sorry, and accept His forgiveness and mercy.
LET’S PRAY
Panginoon, inilalabas po namin sa Inyong harapan ang nagawa naming mali [sabihin kung ano ito]. We ask for Your forgiveness and strength na talikuran ang kasalanang ito. Salamat po for Your grace. Salamat that Jesus paid the price for all my sins. In His name, we pray. Amen.
APPLICATION
Kung meron tayong pagkakasala laban sa iba, panahon na para humingi ng tawad at i-correct ang pagkakamali.
SHARE THIS QUOTE
