Ang malumanay na sagot, nakapapawi ng galit, ngunit sa tugong marahas, poot ay hindi mawawaglit.

Mga Kawikaan 15:1

Bahagi ng pet care, specifically for dogs, is taking them for walks. Parang ang dali lang ‘no? Abangan ninyo ang reaction ng ibang dogs. Kapag sa subdivision ninyo palalakarin ang mga ‘yan, mati-trigger ang ibang aso kaya maririnig ninyo ang katakut-takot na tahol! Bakit ba parang galit na galit sila? Kung early morning pa kayo magwo-walking, hay, magmamadali kayo talaga. Baka kasi magising ang mga taong tulog pa.

Minsan, may mag-asawang nag-walking with their dog. Kahit iniwasan pa nila ang mga kalyeng maraming aso, di pa rin nila natakasan ang tahol ng iba. Parang mababaliw nga ang ilan sa mga aso na walang tigil sa kaiikot at kasusubok na makawala sa gate. Nakakarindi sa tainga ang walang tigil na tahol. To be honest, nakakaasim din ng mood. Kaya laking tuwa ng mag-asawa nang mapansin nila ang isang asong maliit, isang dachshund, na tumitig lang sa kanila, bago bumitaw ng mahinahong, “Woof!” 

Napangiti ang mag-asawa. Hindi lamang ginhawa ang dinala sa kanila ng maliit na hayop kundi isa ring mahalagang paalala: Kapag may bagay na nagbabanta o nakakagalit, sa halip na mag-react, mag-reflect muna, saka mag-respond ng malumanay. Sa paraang ito, naiiwasan ang di pagkakaintindihan at pananakit sa iba. At sa halip na tumindi ang away at lumala ang sitwasyon, nagiging kalma ito. Natawa ang mag-asawa nang maisip nila na para silang mga asong tumatahol kapag pinapagalitan nila ang iba, lalo na ang kanilang mga anak. Nakakarindi pala sila at lalo lang napapalayo ang loob ng kanilang mga anak. Sa tuwa, kinunan nila ng picture ang munting aso na nagpaalala sa kanila na “Ang malumanay na sagot, nakapapawi ng galit, ngunit sa tugong marahas, poot ay hindi mawawaglit” (Mga Kawikaan 15:1).