Kaya’t mag-ingat kayo kung paano kayo namumuhay. Mamuhay kayong tulad ng matatalino at di tulad ng mga mangmang. Samantalahin ninyo ang bawat pagkakataon na kayo’y makagawa ng mabuti sapagkat punung-puno ng kasamaan ang daigdig ngayon.

Mga Taga-Efeso 5:15-16

Minsan, parang ang bilis ng oras pero wala pa tayong natatapos na trabaho sa bahay o sa office. Ang daming deadline at kulang tayo sa oras. Pero kulang nga ba ang oras? O hindi lang natin ginagamit nang tama ang oras na ibinigay sa atin?

Mahirap aminin pero madalas, nagpro-procrastinate tayo at nagsasayang lang ng oras. Paano natin ito sinasayang? Instead of working, we spend too much time on social media. Nage-extend tayo ng lunch break dahil nakikipagkuwentuhan pa tayo sa mga officemate natin. Every night, imbes na matulog sa tamang oras, nagbi-binge watch tayo ng favorite nating teleserye o koreanovela, o di kaya nagge-gaming tayo ng ilang oras—minsan inaabot na tayo ng umaga! Kaya late na tayo nagigising, at late na naman sa office, o sa pag-umpisa ng gawaing bahay. Umaga pa lang, pagod na tayo.

Hindi naman masama na tumingin sa social media, makipag-usap sa mga kaibigan, o manood ng series o movie. Pero kung hindi natin nabibigyan ng priority ang mga importanteng bagay at kung dahil sa maling priority ay hindi natin nami-meet ang deadlines, masama na ito. Magiging matalino tayo sa paggamit ng oras if we will consider every 24 hours of each day as a precious resource given by God. Imagine, kung magiging maingat tayo sa paggamit ng oras, marami tayong magagawang mabubuting bagay! Kaya i-develop natin ang  time management skills natin. Most of all, let us be sensitive to the Holy Spirit dahil iga-guide Niya tayo maging sa tamang paggamit ng oras (Juan 16:13).

Share this encouraging page to family and friends.