…mga kapatid, dapat maging laman ng inyong isip ang mga bagay na karapat-dapat at kapuri-puri: mga bagay na totoo, marangal, matuwid, malinis, kaibig-ibig, at kagalang-galang.

Mga Taga-Filipos 4:8

Sinasabing #instaworthy ang isang bagay kapag ito ay magandang i-post sa Instagram o iba pang social media. Ibig sabihin impressive ito and most likely,  kaiinggitan ng iba. Ano-ano ang mga bagay na #instaworthy? Masarap na pagkain sa bagong restaurant. Travel pics. Mga selfie kasama ang isang celebrity. OOTD (outfit of the day). Ang iyong shopping haul. Pics sa events na inattendan mo, tulad ng concerts at parties.

Basta mukha kang cool, masaya, mayaman, maganda, o guwapo, #instaworthy ‘yun. Ganoon dapat ang laman ng iyong Instagram o Facebook feed. I-delete ‘yung mga pangit na selfies. Ulit-ulitin ang pagkuha ng pics at gumamit ng filter hanggang sa maging perfect ang iyong shots. Pag hindi #instaworthy, walang likes at loves. Nakakahiya naman!

Ganoon ba ka-importante ang maging #instaworthy? Bago pa nauso ‘yan, may sinabi na ang Bible na isang bagay na dapat nating pagsikapang gawin: ang maging praiseworthy. Sabi nga ni Apostle Paul na sumulat sa mga taga-Filipos, dapat ang laman ng isip natin ay mga bagay na kapuri-puri—totoo, marangal, matuwid, malinis, kaibig-ibig, at kagalang-galang. Mas importante ang mga ito kaysa sa bagay na akala ng iba ay cool, masarap, maganda, nakaka-impress, o nakakainggit.

Okay lang ang mag-post at mag-share sa social media, pero kung masyado na tayong concerned sa iniisip ng iba tungkol sa pics natin at nagpapanggap na lamang tayo para lang makakuha ng likes, hindi na ito tama. Hindi na ito karapat-dapat at kapuri-puri. Ang kapuri-puri ay kahit na ano ang kinakain mo, nagpapasalamat ka kay Lord. Ang kapuri-puri ay hindi ka nagkakalat sa lugar na iyong binibisita. It is praiseworthy kapag ginagalang mo ang lahat ng tao, celebrity man sila o hindi. At kahit simple lang ang damit mo pero ang galing mong magdala—wow, praiseworthy ‘yan talaga! Pero sa lahat ng ito, ang pinaka-praiseworthy ay ang Panginoon na nagbigay sa atin ng lahat ng mabubuting bagay. Praise the Lord!