Sinabi ko ito sa inyo upang kayo’y magkaroon ng kapayapaan sa pakikipag-isa sa akin. Magdaranas kayo ng kapighatian sa mundong ito, ngunit tibayan ninyo ang inyong loob! Napagtagumpayan ko na ang sanlibutan!

Juan 16:33

Nakaranas ka na ba ng trauma? Ang trauma ay isang natural na response kapag tayo ay dumaan sa mga mabibigat na pangyayari, tulad ng aksidente, abuso, violence, at iba pa. Ang taong may trauma ay maaaring magkaroon ng physical, mental, o emotional symptoms na dulot ng trauma. For example, minsan ay hindi natin ma-control ang ating nararamdaman kapag naaalala natin ang isang traumatic na pangyayari sa buhay natin, kahit na safe na tayo. Bigla na lang tayong maiiyak, magkaka-panic attack, o iba pang unusual reactions. Mahirap itong ipaliwanag sa mga taong hindi pa naka-experience ng trauma.

Unfortunately, we live in a broken world at hindi natin maiiwasan ang masasamang experiences. Sabi mismo ni Jesus, daranasin natin ang kapighatian —   (Juan 16:33). Praise God at meron tayong Diyos na nakakaunawa sa atin. Sa ating pagsusuri ng buhay ni Jesus, makikita natin na marami rin Siyang pinagdaanan na paghihirap at traumatic events. Naranasan Niya ang labis na pagpapahirap sa kamay ng mga sundalo, ang pag-abandon ng Kanyang mga kaibigan, at ang napakasakit na pagkamatay sa krus.

Na-experience ni Jesus ang pain at suffering noong Siya ay nasa lupa at dahil dito, naiintindihan Niya ang mga iba’t ibang trauma na pinagdaanan natin. Paalala Niya, lakasan natin ang ating loob. Mahirap mag-process at maka-move on sa mga trauma sa buhay sa sariling lakas lamang. Kailangan natin ang lakas ng loob na galing sa Panginoon. Sabi Niya, “My grace is sufficient for you, for my power is made perfect in weakness” (2 Corinthians 12:9). Lumapit tayo sa Kanya. Huwag tayong matakot o mahiya, sapagkat alam Niya ang sakit, lungkot, at takot na nasa puso natin. Naiintindihan Niya tayo. Sa Kanya lang tayo makakakuha ng tunay na lakas ng loob.