Hindi ba ninyo alam na ang inyong katawan ay templo ng Espiritu Santo na nasa inyo at ipinagkaloob ng Diyos sa inyo? Hindi na ninyo pag-aari ang inyong katawan; sapagkat binili niya kayo sa isang halaga. Kaya’t gamitin ninyo ang inyong katawan upang maparangalan ang Diyos.

1 Mga Taga-Corinto 6:19-20

Ang kalusugan ay kayamanan. At kapag sinabing kalusugan, ito ay nangangahulugang pangangalaga sa ating whole well-being. Sinabi ni Apostol Pablo na tapat ang Diyos na magpapanatiling walang kapintasan sa buo nating katauhan: spirit, soul, and body (1 Mga Taga-Tesalonica 5:23). Bagama’t sa huli, ang Diyos ang Siyang talagang makakapagpanatili sa atin na walang kapintasan, hindi inaalis sa atin ang responsibilidad na alagaan ang ating katawan.

Tunay ngang isang kayamanan ang magkaroon ng malusog na pangangatawan. Tulad ng mga bagay na ipinagkaloob sa atin ng Panginoon, nararapat lamang na maging mabuti tayong tagapangalaga o good steward nito. Hindi na natin pag-aari ang ating katawan dahil binili tayo ni Jesus Christ sa isang halaga, at ito ay sa pamamagitan ng Kanyang dugong nabuhos nang ipako Siya sa cross.

Sa pagtanggap natin kay Jesus Christ, ang ating katawan ay naging templo ng Espiritu Santo. Kaya nararapat lamang na ingatan natin ito, alagaan, at gamitin lamang para sa mga gawaing mapaparangalan ang Panginoon. Pagtuunan natin ng pansin ang ating physical health. Ikaw? Paano mo inaalagaan ang katawan na ipinagkaloob sa iyo ng Panginoon?

Share this encouraging page to family and friends.