At kung paanong itinaas ni Moises ang tansong ahas doon sa ilang, gayundin naman, kailangang itaas ang Anak ng Tao, upang ang sinumang sumampalataya sa kanya ay magkaroon ng buhay na walang hanggan.

Juan 3:14-15

Naranasan mo na bang matisod habang naglalakad dahil kung saan-saan ka nakatingin? Delikado ang tumingin sa maling direksyon, pero kung tama ang focus mo, makakarating ka nang safe sa pupuntahan mo.

Ayon sa Numbers 21:4-9, habang naglalakbay ang mga Israelita patungo sa Red Sea, nagpasikut-sikot sila. Dahil napagod at nagutom, umangal kay Moses ang halos 2.5 milyong travelers. Habang nagrereklamo sila, naglabasan ang napakaraming ahas at pinagtutuklaw sila. Kaya naman sising-sisi sila at nakiusap na paalisin ng Diyos ang mga ahas. Pero imbes na paalisin ang mga ahas, inutusan ng Diyos si Moses na gumawa ng tansong ahas, ilagay iyon sa dulo ng isang mahabang kahoy, at sabihan ang mga tao na tumingin doon ang sinumang natuklaw upang hindi mamatay. Lahat nga ng natuklaw ng ahas ay tumingin sa tansong ahas at hindi namatay.

Ang pangyayaring ito ay binanggit ni Jesus kay Nicodemus nang gabing ipahayag Niya ang paraan ng kaligtasan. Tulad ng tansong ahas na inilagay sa kahoy, si Jesus ay ipinako at ibinitin sa krus. Jesus is the bronze serpent foreshadowed in the Old Testament. In the Bible, bronze signifies judgment, gaya ng bronze altar of burnt offering sa Exodus 27:1-4. On the cross, Jesus became the offering and was judged for our sins. Siya ang tumanggap ng kamandag ng kamatayan na parusa sa mga makasalanan (Mga Taga-Roma 6:23). Katulad ng kung paanong ang lahat ng tumingin sa tansong ahas ay hindi namatay, ang lahat din ng mananampalataya kay Jesus ay hindi mapapahamak kundi magkakaroon ng buhay na walang hanggan (Juan 3:16). Kaya huwag ka nang tumingin kung saan-saan kundi kay Jesus lamang. Sa Kanya, tiyak ang iyong kaligtasan.