Agad namang sumagot ang ama ng bata, “Naniniwala po ako! Tulungan po ninyo akong madagdagan pa ang aking pananampalataya.”

Marcos 9:24

This was his last chance. Mula pa noong maliit ang kanyang anak, kung kani-kanino na siya lumapit in the hopes na may makatulong dito. Sinaniban kasi ng masamang espiritu ang bata, pero walang makapagpalayas dito. Nabalitaan niyang mayroong Guro na nakakapagpagaling sa mga maysakit at gumagawa ng iba’t ibang himala, kaya dinala niya ang anak sa kinaroroonan nito. 

Ang mga alagad ng Guro ang una niyang nakaharap, pero wala sa kanilang may alam kung ano ang dapat gawin. Nang magsimulang magtalo ang mga ito sa harap nilang mag-ama, malamang napaisip siya: Masasayang na naman ba ang oras ko rito? Dapat ba, hindi na ako umasa na makukuha ko ang sagot na hinahanap ko?

Pero sa puntong ito, lumapit sa kanila ang Guro at nagkaroon siya ng pagkakataon na sabihin kung ano ang pakay niya. Ang problema, may nasabi siyang nagpahiwatig na hindi siya ganap na kumbinsidong kaya ng Gurong tulungan ang anak niya.

Dito napasagot ang Guro: “Mangyayari ang lahat sa sinumang may pananampalataya.”

In his desperation, inamin niyang kulang ang paniniwala niya sa kakayahan ng Guro. Mula mismo sa Guro siya humingi ng tulong na madagdagan ito.

Kung ordinaryong tao ang Guro, dito na siguro natapos ang kuwento. Pero dahil si Jesus ang nakaharap ng lalaki, his story had a favorable ending.

Tulad ng lalaking ito, maaaring sa gitna ng pakikipag-usap mo sa Diyos, naitanong mo na ito:  sapat ba ang faith ko para makuha ko ang sagot sa ipinagdadasal ko? Take comfort in this observation from pastor and author, Tim Keller: “It is not the strength of your faith but the object of your faith that actually saves you.” Manghina man ang ating pananampalataya, higit na makapangyarihan ang Diyos na Siyang magpapalakas nito at tutugon sa ating mga dalangin.

Share this encouraging page to family and friends.