25

DECEMBER, 2020

Sinabi sa akin ni Yahweh, “Bago ka pa ipinaglihi at ipanganak ay pinili na kita upang maging propeta para sa lahat ng bansa.”

Jeremias 1:4-5

Narinig mo na ba ang statement na, “Always the option, never the choice”? Madalas ka bang masama sa mga pagpipilian pero never napipili? Pagdating sa school, never the top student. Pagdating sa office, never the top employee. At pagdating sa love life, pang-friend zone ang level mo. ‘Yung mahal ka pero hindi ka kayang ipaglaban. ‘Yung pang-back up plan lang ang peg mo at kung may award man na ‘Most Available Friend but Never the Boyfriend or Girlfriend,’ sa iyo na ’yun. Kahit nga pagdating na lang sa raffle, never ka nabubunot. Ouch.

Ang daming hugot at memes na lumalabas sa social media tungkol sa self-pity dahil hindi napili. Aminin mo, mahirap maging option. Usapang awards o love life o career man. Kahit nga ibinigay mo na halos lahat para piliin ka. Oras, effort, pera, lakas, and even your body, kulang na lang pati dugo at internal organs mo ibigay mo. Dumating ka na sa point ng buhay mo na walang-wala ka na, ubos na ubos na, give up ka na. Ang gusto mo lang naman ay mapili ka. Dahil kapag napili ka, you feel loved and accepted despite your imperfections and shortcomings. Nakakapagod maghabol ng pagmamahal, hindi ba?

Alam mo ba na may nauna nang pumiling magmahal sa ’yo bago ka pa man isilang? Minahal ka ni God at dahil diyan ay ipinadala Niya ang kanyang pinakamamahal na anak na si Jesus upang ikaw ay bigyan ng pag-asa at buhay na walang hanggan (Juan 3:16). Pinili ka ni Lord na mabuhay and you are fearfully and wonderfully made by Him (Mga Awit 139:13-14). Minahal ka ni Jesus kahit na imperfect ka (Mga Taga-Roma 5:8). Pinili ka ni Jesus! You are not an option to Him.

Sa Jeremias 1:5, alam na ni God ang plano Niya kay Jeremiah at pinili Niya ito as his prophet to the nations. Even though he was young and inexperienced at kahit na feeling niya he is inadequate, God still chose him (Jeremias 1:6-10). You don’t need to perform or run after the love of God sa takot na maubusan at hindi mapili dahil hindi Siya mauubusan ng pag-ibig para sa ’yo (Exodo 34:6). Minahal ka ni God not because of what you can give or do for Him. He loved you because He is love.

Share this encouraging page to family and friends.