Inilagay ng Panginoong Yahweh ang tao sa halamanan ng Eden upang ito’y pagyamanin at pangalagaan.

Genesis 2:15

Noong March 2024 naging malaking controversy ang resort na itinayo sa mismong paanan ng Chocolate Hills, isang National Geological monument. Bawal ang magtayo ng resort o similar developments na ganoon kalapit sa Chocolate Hills dahil ito ay protected area at magkakaroon ng negative environmental impact ang mga ganoong building sa area. The Department of Environment and Natural Resources issued a temporary closure order for the resort noong lumabas ito sa social media at naging viral ang issue. Ngayon, sarado na ang resort. 

Dapat ay hindi napatayo ang resort na iyon to begin with. Since it was built and opened to the public, that means that there were many people involved in its development at nabigyan ng construction permit ang nagpatayo ng resort. Napakalungkot isipin na inuna nila ang kita bago ang pag-protect sa environment. 

Ito ay isang extreme example of dishonoring our natural environment. Bilang mga Cristiano, tayo ang stewards o tagapamahala ng mundo na nilikha ng Panginoon. Inilagay ni Lord ang tao sa Eden upang ito’y pagyamanin at pangalagaan. Wala na tayo sa Eden but caring for God’s creation is still our responsibility. Tandaan natin, si Lord ang may-ari ng langit, lupa, at ng buong daigdig (Awit 89:11). Caring for God’s creation honors God and benefits us. After all, tayo ang nakatira rito sa mundo, and we only have one Earth!