Ang kaibigan ay nagmamahal sa lahat ng panahon, at sa oras ng kagipita’y kapatid na tumutulong.

Kawikaan 17:17

Nagsimula sa trabaho ang pagkakaibigan nina Dan, Elle, at May. Dahil sa COVID-19, nagkahiwa-hiwalay sila nang umuwi sila sa sari-sariling probinsya. Dito napatunayan ang lalim ng kanilang samahan.

To earn money, nagtrabaho si Dan bilang courier. Minsan, sa kanyang biyahe, nadulas ang kanyang motor na naging sanhi ng pagkabali ng kanyang balikat. Humingi ng tulong sa mga kamag-anak si Dan pero natakot lumabas ang mga ito dahil sa COVID-19. Kahit kaunting pinansyal na tulong ay hindi nag-abot ang mga ito.

Nang malaman ni Elle ang nangyari, agad na sinundo nito si Dan at naghanap ng maayos na ospital kung saan mabilis na maaaksyunan ang kalagayan ng kaibigan. Si May naman ay sunod-sunod ang padala ng meals, groceries, at extra cash na panggastos sa ospital. Gumawa rin ang mga kaibigan ni Dan ng fund raising activity para makatulong sa operasyon niya. Ang tira nito ay nagamit naman nila na panggastos sa araw-araw habang nagpapagaling pa siya ng katawan. Mas pinatatag ng pagsubok na ito ang kanilang pagkakaibigan.

We are not meant to live alone in this world kaya naman ang magkaroon ng kaibigan gaya nina Elle at May ay maituturing na isang biyaya mula sa Diyos. We are encouraged to be like them as well. Maging kaibigan hindi lang kapag nagkikita, kundi kahit malayo rin. A genuine friend who loves at all times and is ready to extend a helping hand during difficulty. A friend for keeps.