Tatayo kayo kapag may kaharap na matanda. Igalang ninyo sila at matakot kayo sa Diyos. Ako si Yahweh.  

Levitico 19:32

“Ay, senior — paunahin na sa pila!” Iyan ang sambit ng mga med tech sa clinic nang makita si Norang tinutulak ang kanyang inang naka-wheelchair. Ang sarap naman, aniya, nakangiti pa ang mga taong nagpauna sa kanila. With a senior card, ang daming freebies — free parking, free movies, discount sa groceries at sa restaurants. Napakalaking tulong, di lamang sa seniors, kundi pati na rin sa kanilang mga caregiver.

Sa totoo lang, hindi naman buo sa loob ni Nora na alagaan ang kanyang inang may dementia. Wala sa kanyang plano na gawin ito, wala lang talaga siyang choice. “Mahirap,” she confesses to her friends, “Minsan nakakapikon.” Malaking bagay kay Nora na may mga kaibigang napaghihingahan ng inis at pagod. Exchanging notes sila ng mga kabarkadang nasa similar situations. In numbers, she finds strength. More importantly, in God, she receives courage. “Kailangan talagang humingi sa Diyos ng grasya araw-araw,” ang kanyang laging sinasabi. Nora holds on to the verse in Isaiah 40:29, “Ang mahihina’t mga napapagod ay kanyang pinapalakas.”