Mga salita ko’y ginawa niyang singtalim ng espada, siya ang sa aki’y laging nag-iingat.

Isaias 49:2a

Naranasan mo na bang alam na alam mo na kung ano ang kaya mong gawin para kay Lord pero walang opportunity para gawin ito? ‘Yung kayang-kaya mong gawin ‘yung ginagawa ng iba pero hindi ka binibigyan ng chance para gawin ‘yun? Parang ganito rin ang naranasan ni Isaiah. Binigyan siya ng ability to speak, parang sintalim ng espada ang dila niya, pero noong panahong ‘yun ay, ayon nga sa isa pang Bible version, itinago siya ng Diyos. Bakit ganito si Lord?

Hindi lang mga maabilidad ang ginagamit ni Lord, kundi ‘yung may Christ-like character. Kasi minsan kapag sinabak agad ang isang taong maabilidad pero hindi pa hinog ang character, nananaig ang yabang na siyang makakasira sa pagkatao niya. Pero kung ang isang taong maabilidad ay itinago muna, mahahasa ang kanyang pasensya sa paghintay, lalo niyang iiimprove ang sarili, at mas madadagdagan ang kanyang experience na magbibigay ng additional wisdom sa paggamit ng kanyang gifts.

Kaya gamitin natin wisely ang waiting time natin, kahit sa palagay natin ay ready na tayo. Kahit si Cristo ay namuhay ng 30 years bilang ordinaryong tao bago Siya pumasok sa ministry. At nagamit Niya sa pagtuturo ang mga na-observe Niyang mga pangyayari sa araw-araw na buhay. Tayo rin, at the right time, ilalabas tayo ng Diyos at papagsalitain gamit ang dilang tila espada sa talas. Magtiwala tayo sa timing Niya, kahit nakakainip.