Tingnan ninyo kung gaano kalaki ang pag-ibig sa atin ng ama! Tinawag niya tayong mga anak ng Diyos, at iyan nga ang totoo.

1 Juan 3:1

Isang Canadian-Pinoy na nagngangalang Abraham Reyes ang nagmana sa kanyang tiyahin ng pinaniniwalaang pinakamalaking perlas sa buong mundo, na may timbang na 27 kilo at kasing-laki ng isang baby. Maaari itong magkahalaga ng 60 to 90 million dollars. Napakahalaga ng pearl na ito! It is very rare and is so far the most expensive.

Pero gaano man kahalaga ng pearl na ito, para sa Diyos, mas mahalaga tayo sa Kanya. Tayong mga tao ay kakaiba sa lahat ng Kanyang nilikha. God formed us and that’s what made us worthy. At isipin mo ito, maging nang magkasala ang tao, dahil napakahalaga natin sa harap ng Diyos, ibinigay Niya ang kaisa-isa Niyang anak na si Jesus para tubusin tayo sa ating mga kasalanan through His death on the cross. Kung paniniwalaan mo ito at pagtitiwalaan si Jesus bilang Tagapagligtas, mararanasan mo ang pambihirang pag-ibig at pagpapahalaga ng Diyos sa iyo.

Duda ka pa ba sa iyong halaga? Pakinggan mo ang sabi ng 1 Juan 3:1: “Tingnan ninyo kung gaano kalaki ang pag-ibig sa atin ng Ama! Tinatawag niya tayong mga anak ng Diyos, at iyan nga ang totoo.” Para sa Diyos, ang halaga mo ay higit na malaki—di hamak na mas malaki sa halaga ng pinakamahal na perlas sa mundo.