Naparito ako upang ang mga tupa ay magkaroon ng buhay, ng isang buhay na masagana at ganap.

Juan 10:10

Kung ikaw ay batang 90s, marahil nagamit mo ang lapis o ballpen sa pag-rewind ng cassette tape na may record ng paborito mong kanta. O kaya naman ay tumawag sa radio stations para i-request nang paulit-ulit ang gusto mong kanta. Hanggang sa dumating ang innovations tulad ng CDs, MP3 players, ipod at maging mga online streaming apps. Sa wakas, madali nang ulitin ang go-to-songs mo by putting it “on repeat.”

Pero may mga bagay sa buhay natin na ayaw na nating balikan. Mga experience na ayaw na nating maalala, ulitin, at lalo nang maging “on repeat.” Kung maire-rewind man, mas gusto nating baguhin ang nangyari o palitan ang sitwasyon. Marahil dala ng guilt, shame, hurt, pain, o maging unforgiveness, ayaw na nating balikan ang mga ito. Pero may mga panahon na parang sirang plaka na paulit-ulit itong nagpe-play sa utak natin. Paulit-ulit na may mala-music video re-enactment sa isipan natin that causes anxiety, loneliness, sadness, or worst paralyzes us and stops us from being productive and living our life joyfully.

Kapatid, hindi mo kailangang gumising araw-araw nang may ganitong negative background music. Jesus wants to end this cycle of defeated thoughts in your life. Naparito Siya upang magkaroon tayo ng buhay na masagana at makabuluhan (Juan 10:10). As we trust in Him, He will set us free from anxiety and regrets about the past. At habang nakikilala natin Siya, mabubuksan ang mga mata natin sa magagandang inilaan Niya para sa atin for our future.