Masama nga ang inyong ginawa sa akin, subalit ipinahintulot iyon ng Diyos para sa kabutihan, at dahil doo’y naligtas ang marami ngayon.

Genesis 50:20

Memorable in a sad way ang childhood ni Buboy. Halos araw-araw ay nakatikim siya ng pambubugbog at pagmumura mula sa kanyang ama at mga kapatid na lalaki. Noong six years old pa lang siya, pinalayas siya ng kanyang ama kaya lumaki siya sa church na kung saan ay member ang kanyang ina.

Isang foreign missionary couple ang nag-adopt kay Buboy, na musically inclined. Pinag-aral, nakagraduate, at nakapagwork siya sa big companies. Nanalo siya sa isang Papuri Writing Contest na pinamagatang “Mahal Ka Niya” at naging musical director sa iba’t ibang churches. Dumating ang panahon na kinailangan nang umuwi ng missionary couple sa America. They advised him, “We suggest that you go back to your family and forgive them.” At nagkapatawaran nga sila sa isa’t isa.

Nagkapatawaran din sina Joseph at ang kanyang mga kapatid noong naging gobernador na siya ng Egypt. Binatilyo pa lang si Joseph ay pinagplanuhan siya ng masama ng kanyang mga kapatid dahil favorite siya ng amang si Jacob. Sa buong buhay niya, napunta sa tatlong P’s si Joseph: (1) Pit — hinulog siya sa pit at binenta para maging slave sa Egypt (Genesis 37); (2) Prison — napagbintangan siyang nagnanasa sa asawa ng kanyang among si Potiphar at nakulong siya sa prison (Genesis 39); at (3) Palace — pinatawag siya ni Pharaoh upang mag-interpret ng dreams, nagkaroon ng famine, at ginawa siyang gobernador o tagapamahala sa palace (Genesis 41).

Ang mga iyak ay naging galak sa buhay ni Joseph! At ganito rin ang ginawa Niya para kay Buboy. Kung meron ka mang nakakaiyak na experiences — hindi mo man malaman ang reasons sa mga pinagdaanan mo — continue to trust the God who loves you.