Welcome back sa ating series na “Pagharap sa Problema.” Nakita natin kahapon na kapag may problema, sa Diyos na tayo kaagad dapat lumapit. Bakit? Nakaka-relate kasi Siya.

Sa halip, kusa niyang hinubad ang pagiging kapantay ng Diyos, at naging katulad ng isang alipin. Ipinanganak siyang katulad ng mga karaniwang tao. At nang si Cristo’y maging tao, nagpakumbaba siya at naging masunurin hanggang kamatayan, maging ito man ay kamatayan sa krus.

Mga Taga-Filipos 2:7–8

Kapag nagbibigay tayo ng advice sa mga taong brokenhearted, or nahihirapang mag-cope sa isang bagay, naririnig natin ang mga sagot na gaya ng “Hindi mo kasi ako naiintindihan.” Or “Hindi mo nararamdaman ang nararamdaman ko kasi di mo naman pinagdaanan ito.” Bilang tao, may tendency tayong hindi maniwala sa nagsasalita kapag hindi nila na-experience ang mga struggle na mayroon tayo.

May isang tao sa Bible ang nag-best effort para maka-relate sa atin. Siya si Jesus na Anak ng Diyos. Kung iisipin, Diyos na Siya pero sinunod Niya ang kalooban ng Kanyang Diyos Ama na bumaba dito sa mundo para magkatawang-tao at iligtas tayo.

With all His great power, He could have easily saved us in just a snap of His fingers while He is in heaven. Pero bakit nga ba nagpakahirap pa Siya bilang tao? Lahat ng sufferings, panunukso, gutom, pangungutya, and pain na maaaring dinadaanan natin ngayon, ay dinaanan din Niya. Kahit pa nga siguro pagsama-samahin natin ang lahat ng trials natin, hindi papantay sa mga naranasan ni Jesus dito sa earth. Naranasan din Niyang matukso, bagama’t hindi Siya nagkasala; kaya matutulungan Niya tayo kapag tayo’y tinutukso (Mga Hebreo 2:18). And since He experienced everything in the flesh, know that when we cry to Him about our problems, He understands that it’s not easy. Dahil din dito, we can be reminded na tanggapin ang Kanyang mga advice whole-heartedly kasi na-experience Niya ang pain na naranasan natin. Higit sa lahat, alalahanin natin na ang pagkakatawang-tao ni Jesus ay patunay na nais ng Diyos na ilapit sa Kanya ang sanlibutang lumayo sa Kanya.

Thank you for joining us today. Samahan ninyo kami uli bukas sa ating series na “Pagharap sa Problema.”