Sinabi ni Samuel, “Akala mo ba’y higit na magugustuhan ni Yahweh ang handog at hain kaysa ang pagsunod sa kanya? Mas mabuti ang pagsunod kay Yahweh kaysa paghahandog, at ang pakikinig ay higit sa haing taba ng tupa.”

1 Samuel 15:22

Malinaw ang bilin ni Yahweh kay King Saul through Prophet Samuel: Lipulin ang lahat ng Amalekites at patayin maging ang lahat ng hayop nila. Kaya ganoon na lang ang pagkadismaya ni Samuel nang suwayin ni King Saul ang utos ni Yahweh. Hindi niya pinatay si Haring Agag at ang magagandang baka, tupa, at iba pang matatabang hayop. Ikinatwiran niya na gagamiting handog ang mga hayop kay Yahweh (1 Samuel 15:1-8).

Pero sinabi ni Samuel kay Saul, “Akala mo ba’y higit na magugustuhan ni Yahweh ang handog at hain kaysa ang pagsunod sa kanya? Mas mabuti ang pagsunod kay Yahweh kaysa paghahandog, at ang pakikinig ay higit sa haing taba ng tupa” (1 Samuel 15:22). Sa unang tingin, mukhang noble naman ang purpose ni Saul sa hindi pagpatay sa kanilang enemy at mga hayop nito. Pero sa pagsuway niyang ito, hindi niya binigyan ng paggalang ang Diyos. Binalewala niya ang clear and specific na utos ng Diyos. Nag-assume siya na mas tama ang sarili niyang decision at hindi ang judgment ng Diyos.

Kung minsan gumagawa tayo ng mga bagay na sa tingin natin ay mabuti o magbibigay ng honor sa Diyos. Pero tandaan natin na mas wise na bago tayo gumawa ng anumang bagay, pakinggan muna nating mabuti ang instructions sa atin ng Diyos. The Bible shows us God’s will at andiyan din ang Holy Spirit to guide us. Magpapasakop tayo sa Panginoong Jesus at tuturuan Niya tayong sumunod sa kalooban ng Diyos.